Ақын өлеңдері жинағы ✍️

Анама алғыс, ақ сүтін емгеніме,
Құрсағынан өмірге келгеніме.
Әкеме алғыс айтам өлгенімше,
Ұлағатты тәрбие бергеніңе.
Жанашырым, жандарым, асылдарым.
Жайнаған жақұт гүлім, жасыл бағым.
Мұңайып ұйықтап кетсем түсіме еніп,
Балам-ау дейсің әке, қасыңдамын.
Сағыныш,
Ойға батам қара-ала күз.
Қарыз ек, қамқор едік анаға біз.
Жырыңды жырлап жүрген ұрпағың бар,
Біз өлсек артымызда қалады аңыз.
Тектім-ау, ардақтым-ау, асыл арым.
Жан әкем әр сөзіңе бас ұрамын.
Жетімнің жары құдай екен-ау деп,
Жасымды жанарыма жасырамын.