Ақын өлеңдері жинағы ✍️

Сіздегі ессіз құштарлық,
Лап еткен сезім емес пе?!
Қайтқан кезіндей құстардың,
Айналар бір күн елеске.
Ұшақтың бағып бағытын,
Күндерді санап отырсыз.
Бұлағын жырдың ағытып,
Өзенге қосып жатырсыз.
Сап-сары күзде көрдіңіз,
Жапырақтардың ішінен.
Жүрген бір жандай келдіңіз,
Мейірім іздеп кісіден.
Сап-сары күз де жылаған,
Сезеді оны жүрегім.
Сырыңыз маған ұнаған,
Ұнаған жанға білемін.
Жырына қосып жұлдызды,
Тырнаның әнін көп тізген.
Көрдің бе, жаным, бір қызды,
Арманмен өмір өткізген.