15.08.2022
97
Сен жатқан бөлме...
Сен жатқан бөлме,
Сен жатқан төсек бұйырды.
Өткенді еске ап, жүйкені біраз шиырдым.
Сен жүріп-тұрған бөлмеде жатып, дүние-ай,
Сен жоқ деп ойлау қиыны екен, қиынның.
Қабырғаларға иісің сіңіп кеткендей,
Еденде ізің, дәл жаңа басып өткендей.
Терезелердің әйнектері де, дүние-ай,
Тек сені айтып, махаббат сырын шерткендей.
Сағыныш буып, жас парлап тұрып көзімнен,
Әр затты ұстап, қолыңның табын сезінем.
Өзіңнен басқа не керегін де білмеймін,
Армансыз едім, армансыз едім өзіңмен.