Ақын өлеңдері жинағы ✍️

Сағындым ғой!
Түсіме неге кірмейсің?!
Елжіреп қарап, қолымнан ұстап жүрмейсің.
Мөлдіреп қарап, шәй құйып берер жарыңның
Сағыныш жасы кесеге тамды білгейсің.
Сағындым ғой!
Түсіме неге енбейсің?!
Шолпаныма ұқсап тұсымнан жанып, сөнбейсің.
Тірлікте сені Жаратқан берген қалпыңда
Сүйетін адам болды ма екен мендей шын.
Сағындым ғой!
Осыдан басқа не дейін,
Шықпайды үнім, кептеліп жасқа көмейім.
Ширек ғасырды өзіңмен бірге өткізген,
Махаббатымның мыңжылдығына теңейін.