Ақын өлеңдері жинағы ✍️

Қараңғыда сені ойлап таң атырдым,
Сол жылдарды сағынышпен сапырдым...
Алаштағы алтын айдар ұл едің,
Махаббатың болдым сенің ақырғы.
Талай қыздың жүректерін жандырып,
Жүруші едің сезімдерін ән қылып,
Бірақ сенің тағдырыңа жазыпты,
Маған ғана жар болуды мәңгілік.
Ұрпағыңның жөн-жосығын түзетіп,
Ұлтымыздың сақтап барлық ізетін
Отыруды маған ғана жазыпты
Сенің қара шаңырағыңды күзетіп.
Қырағы едің шалып түсер қиырдан,
Талай ару жолда қалды қиылған.
Сол таластан Жаратқанға мың шүкір!
Маған ғана осы бақты бұйырған.