Ақын өлеңдері жинағы ✍️

Әр адамның  мінез-құлқы әр түрлі,

Қыйын екен түсіну де әркімді.

Біреулер бар көрсеқызар,

ашқарақ,

Адамдардан артық көрген алтынды.

Кей адамның ғұмыр жолы сұм-тозақ,

Ал біреудің  өмір жолы –

бір ғажап.

Сол ғажаптың  егер құнын білмесе,

Ол адамды күтіп алар мұң-азап.

Қайбір жан да

шын бақытты аңсайды,

Әне-міне жетемін деп шаршайды.

Адал адам жете алады бақытқа,

Арам жанды арам ойлар  қоршайды!

Жанды алға жетелейтін сенімі,

Сенім деген –

ер жігіттің серігі.

Төңірегіне төгіп әр кез жылуын,

Адалдықтың тоқтамасын көрігі!