Ақын өлеңдері жинағы ✍️

Өмір сыны – әрі кәрі, әрі жас,
Тек тағдырлар өніп, өшіп жатады.
Тірлік барда – көргеніңнің бәрі рас,
Атады таң, өтеді, Күн батады.
Тиесілі тағдыр тасқа, құмға да,
Сезімсізге бірақ оның не мәні?
Жазмыш жайын ойлап, бойлап, біл, қара:
Өзінде ме, өмірде ме обалы?!
Жас күйінде жайнап өмір тұрады,
Талайында тым көнекөз тағлым бар.
Аз күн өмір сүреді жан, тынады...
Таусылмайды толқын-толқын тағдырлар.