Ақын өлеңдері жинағы ✍️

..Үзілді уыз бал ғұмыр,
Күйінер, күйреп жас ана.
Үмітін үзіп мәңгі бір,
Берді ерік зар мен құсаға.
Етегі жасқа толса да,
Болмаған еді еш қайран.
Асқынып дерті соншама,
Емдеуден сәби кеш қалған.
Шырылдап туған шарана
Шарғсыз шақта шейіт болды.
Тіл қата алмай анаға,
Пәниден мынау жоқ болды.
Армандап көрген тұңғышы
Азаппен көзін жұмды ақыр.
Кетті ұшып алыс жыл құсы,
Көзайым жалғыз – жас қабір...