Ақын өлеңдері жинағы ✍️

Тартысы мол тұл тірлік
Ағысындай айдынның,
Ғұмыр емес бір күндік,
Қуаныш та, қайғың мың.
Асау айдын толқыны
Арса-гүрсе соғады.
Адуындығы арқылы
Сұс көрсетіп бағады.
Бірі қалса именіп,
Шығар бірі жұлқына.
Бірін-бірі итеріп,
Жатыр теңіз бұрқырап.
Ал адамдар –пенде ме,
Бас иетін тағдырға,
От сөнбесе кеудеде,
Болар мәңгі шалқуға.
Серпіп тастап сел мұңды,
Өзіңе, дос, бол мықты.
Жоғалтпасаң сенімді,
Көрмессің еш кемдікті.