Ақын өлеңдері жинағы ✍️

Ашудан жүзің қабартып,
Ашынып кейде түтейсің.
Арыстан көзді алартып,
Албасты жындай үдейсің.
Арқаңды жүрсе қоздырмай,
Ақылға дәрмен қылар ең.
Арпылдап шықса құзғындай,
Апырмай, қалай шыдар ең?
Адуын мінез танытпай
Асылы, жүрсең болдың қор.
Арқырап келер шабыттай,
Алысып жүрсең, орның зор.
Абай да болған асыл іс,
Ашуға жеңіс бермеген.
Айдындай өмір сабылыс,
Ақшулан дүлей кернеген.
Ағаттық қылмай, алайда,
Апшымай тірлік кеше біл.
Амандық болсын, соны ойла,
Ашуға берме есе бір!