Ақын өлеңдері жинағы ✍️

Көзімнің шуағындай,
Жанымның бұлағындай,
Жалын-күш-қуатымдай,
Көктегі қыранымдай,
Мәңгілік мұратымдай –
Балаларым.
Сендермен мақтанам да,
Қуанып, шаттанам да,
Өмірлік бақ табам да,
Көңілім елжірейді
Баладай тәтті адамға.
Бақытты жүздеріңде
Мәз күлкі жүзгенінде,
Тағдырға тағзым еттім,
Әке еткен өздеріңе.
Балапан құрақтарым,
Жанарым-шырақтарым,
Балауса шыбықтарым,
Қошақан, лақтарым –
Сүріңдер ғұмыр тәтті,
Болыңдар шын бақытты.