Ақын өлеңдері жинағы ✍️

Жел ызыңы, жел зары
Жанға маза таптырмас.
Жер тағдыры, ел қамы
Ер ұйқысын қандырмас.
Ебелектен еш қайран,
Жартастар да мізбақпас.
Хас батырлар қасқайған
Қас-жаудан да бұлтармас.
Жанбағардан не қайыр,
Жанып тумай жасындай.
Жаны күйген беу, шайыр,
Езді көріп осындай.
Ех, дүние, замана,
Түлкібұлаң тарттың ба?
Халқын сүйген адамға
Зілдің жүгін арттың ба?!