09.08.2022
127
![](/uploads/shorttexts/author_image/2022-08-09-12-12-34.png)
Ардақтым, анашым-ау...
Ардақтым, анашым-ау,
Мен үшін дарасың-ау!
Балам деп батпақ кешіп,
Отқа да жанасың-ау!
Аман ба, керім аймақ,
Ылайым сенім айғақ.
Елеңдеп жүр ме екенсің,
Ауылда мені ойлап.
Жансың-ау жаны нұрлы,
Маған ақ арың үлгі.
Ана боп мен де ұғындым,
Өзіңнің қадіріңді.
Жүргенде жаның аман,
Жыр-моншақ тағына алам.
Бақыттың базарында
Шалқи бер, жаным, анам!