Ақын өлеңдері жинағы ✍️

Толкыны талбесіктей тербетілген.
Сұлулық самал ескен келбетінен.
Періште аққу едік ақ ниетпен
Каспийдің көтерілген нұр бетінен.
Арулар - арман қуған жалын жастар,
Арулар - биік самғар қарлығаштар.
Ертеңге үміт артып қалықтаған
Аққудай сырбаз мінез ару қыздар.
Жастықтың жалын болып жану мәні
Ән-думан жүрегімнің дәру бағы.
Маң дала баурайының бұлбұл құсы
Біз ерке Ақтауымның арулары.
Жасай бер асыл елім, арман елім
Өзіңнен аппақ үміт жалғап едім.
Көркейші туған елім, аспаныңда
Әрдайым әнге қосып самғар едім.