Ақын өлеңдері жинағы ✍️

Көргенбіз соғыс ылаңын,
Жазылған оған дастаным.
Өксігін айтып қаламын
Кездессе замандастарым!
Сол кездегі жетімдер,
Жетпісті жүрміз жетелеп,
Бәріне шүкір етіңдер
Қаншамыз кетті ертерек?
Жыртылған киім иықта,
Жәйім жоқ оған өкпелер.
Тірелдік талай тұйыққа
Жоқ – жетік «тесік өкпелер».
Атқа міндік дегенмен,
Жайдақ еді атымыз.
Ағытып қозы көгеннен
Аяқта жара қатып із.
Ерсіз ат талай жауырып
Шыбындар қонған ызыңдап.
Көн тақа құйрық ауырып
Жабысқан киім тызылдап...
Таңбағып түскен жаралар,
Ауырып удай ашыған
Өмір – қамшы сабалар
Жастық шақ талай жасыған.
Осының бәрін өткізген,
Айтамын замандастарға,
Сәлемім сізге жеткізген
Сендермен амандасқанда!