Ақын өлеңдері жинағы ✍️

Пенде шіркін не көрмеген жалғанда,
Тым жоғары қазіргі бір талғамда.
Еске алатын кеткен шалдар мұңайып
Анау үйден түтін шықпай қалғанда?..
Қанша жанар бір ошаққа қараған,
От лауласа құдіретке санаған.
Түндігінен түтін шықса көкке өрлеп
Тіршілігің белгі болып тараған.
Көрдік шетін осыларды айтқан бар,
Жоқшылықтың тауқыметін тартқандар.
Мезгілінде ашылмаса түндігі –
Дейтін еді осындайдан сақтаңдар!?
Түтін салып будақтаса көкпенен,
Ауа бұзып бүлдірдің деп сөкпегем.
От жағылып түтін шықса аулақта
Сол маңайдың тіршілігі деп білем.