Ақын өлеңдері жинағы ✍️

Қасымда теңіз!
Тепсімей беті мұз жаттың,
Кеудемде нала
Жүректі ызғар сыздаттың
Шағала анау
Шарықтай алмай биікке
Мұңдарын тыңдап гүл – бақтың?!
Түнерген күн де
Теңізге төгіп нұрларын,
Қиясы күңгірт
Таулардың көрдім тұрғанын?
Тамсанып қарап
Сабама талай түсе алмай
Жаңылған сазды ырғағым.
Ашулы теңіз
Көбігін шашып толқынның,
Жағаға барсам
Соларды көріп толқыдым,
Тыныстап кейде
Демдерін тартып ішіне
Дауылмен тынар артының!
Аспанда бұлт
Қимайды неге жауынын,
Жанарын жарқын
Көреміз қашан тауымның,
Осылардың бәрін
Армандап ылғи жүргенде
Күткендей едік дауылын!
Бірте- бірте
Тамызық маздап от алды,
Жан-жаққа шарпып
Өршісе жалын қаталды,
Бұлқыныс іште
Сырттағы леп екпіні
Дауылға қарай бет алды...