Ақын өлеңдері жинағы ✍️

Арманым,

От боп көріндің,
Жалыны өшпес мәңгілік.
Көкірегімде менің Күн
Орнатып,
Бір шоқ қалдырып,
Қайтадан тағы жоғалдың...
Арманым,
Аппақ сағым боп,
Көріндің жақын алдымнан.
Жақтың сен өшпес жанымда от –
Сол ғана белгің қалдырған,
Қайтадан тағы жоғалдың...
Қалмадым,
Қудым жүгіріп,
Әлі үзбей күдер келем мен.
Бойда бір күдік, бір үміт –
Астым сан кырдан, белеңнен,
Білмеймін,
«Қашан алам?» деп.
Ұмтылдым, қайта көрінсең,
Тұра алмай жеткен жерімде.
Өмірге жетеледің сен,
Қашпасаң, бәлкім,
Өмірге
Мұншама ынтық болар ма ем?!.