Ақын өлеңдері жинағы ✍️

Уәйім етіп елімді,
Азғантай дәурен тірлікте
Рахаттан қалмаңыз.
Көрсетіп иық біреуге,
Зорлықпен затын алмаңыз.
Жанға залал жауыздық,
Ала көзің салмаңыз.
Ырзық күтіп Алладан,
Жаныңызды жалдаңыз.
Бір кісіден туғандай
Біріңді-бірің қамдаңыз.
Дұшпаның кім, досың кім,
Оны-дағы аңдаңыз.
Ақылыңмен кеңесіп,
Ең жақынын таңдаңыз.
Өз ақылың сенбесе,
Айтылған сөзге нанбаңыз.
Тар кезеңде тартынып,
Айтқан серттен танбаңыз.
Жетпегенін жеткізіп,
Мүсәпір менен мүскінді
Қолыңнан келсе, жалғаңыз.