01.08.2022
203
![](/uploads/shorttexts/author_image/2022-07-26-22-32-39.png)
АҚТАУ
Теңіздің ерке самалы,
Желпиді ару қаланы.
Тізіліп аппақ отаулар,
Қанатын жайып барады.
Сыңғырлап күміс қоңырау,
Соққылап жатыр жағаны.
Шағала – аппақ омырау,
Керіліп, қанат қағады.
Жұмыртас таудан аумайды,
Кеудесін күнге аунатқан.
Қуалап толқын ойнайды,
Төбеден моншақ саулатқан.
Даланың сәні – бөкені,
Балықтың теңіз – мекені.
Келеді сақтап өмірді,
Теңіз бен Дала екеуі.