Ақын өлеңдері жинағы ✍️

Барады желдер алысқа айдап,
Аққудай аппақ бұлттардың көшін.
Тәкаппар жартас шегеді айбат,
Толқынға карсы кереді төсін.
Теңіздің үстін көп кезіп шырқап,
Шағала шіркін, қанаты талды.
Шапшиды көкке бұрқ-сарқ бұрқап,
Тулайды толқын ақ бұйра жалды.
Сілкініп дүр-дүр, қанатын қақты,
Балапан қыран басынан қырдың.
Толқынның күшін сұрапыл қатты,
Құйсам деп жырға, жағада тұрмын.