Ақын өлеңдері жинағы ✍️

Күңіреніп отырамын кейде мен,
Жүрегімді қолыма таза ұстап сөйлеген.
Жұдырықтай қызыл етім мың артық,
Құбыжықтай түк ұқпайтын пендеден!
Сырласамын, сырымның көп мұңдысы,
Көңіл деген көп нәрсенің сүзгісі.
Өз жүрегім - өз тыңдаушым дәл сондай,
Басымды да бағаламас бір кісі.
“Қырық жамау” етпесем де бабамдай,
Жүрегімнің жүрмін емін таба алмай.
Бір денеге біткенмен бар мүшем,
Бір - біріне бағынбайтын адамдай.
Бірі тартып алға үмітке-қиянға,
Бірі тартты артқы күнге-тұманға.
Алпыс жастың ауылына жеткенде,
Адастыра көрме мені Алла!