Ақын өлеңдері жинағы ✍️

Ұрпағы болғаннан соң ер Кебектің,
Елуге келгенімше ел деп өттім.
Қайран ісім қайраңдап көрінеді.
Беті мен бедерінде бел-белестің.
Ұрпағы болғаннан соң ұлы Абайдың,
Еңбегіме еш ақы сұрамаймын.
Көп өлеңім көш бастап жүр әнекей,
Көзіндей мөлдіреген құралайдың.
Хан-Шыңғыс, қара Ертістің арасында,
Жарадым тарландармен таласуға,
Тістінің тыртығы бар жүрегімде,
Күштінің жарасы бар қанатымда.
Туысы болғаннан соң бар қазақтың,
Терімді тегім үшін сорғалаттым.
Кеңпейілді Аллама жақсам болды,
Келмейді пенделермен саудаласқым!