Ақын өлеңдері жинағы ✍️

Осал жағын
көп бағып,
Қарсыласыңды алып ұр.
Мықты біреу шот салып,
Жығып кетер бәрібір.
Күресем деп шығыпсың,
Еңсеңді сен, тұр, көтер.
Алып ұрсаң,
жігітсің,
Жердің шаңы «бұрқ» етер.
Ақырын жүр,
алданба,
Тәсілі оның бар басқа.
Сәл тікейіп қалғанда,
Сал бәленді
жамбасқа!
Айлакер ол,
Байқарсың,
Сүріндің бе,
тұрып кет!
 Күрес маңы
айқай шу,
Ұран, ақыл, үгіт көп.
Әне біреу ән сап тұр,
Әне біреу жар сап тұр.
Палуан да шаршап тұр,
Көрермен де шаршап тұр!