Ақын өлеңдері жинағы ✍️

Кукалаша – ку-лал-ла,
Аяғымды турала,
Күн қуанып, Ай күлді,
Мен өмірге туғанда.
Ку-ку!
Тәй-тәй қадам басамын,
Асулардан асамын.
Бойымды тік өсірер,
Жаса, жаса, жаса күн!
Ку-ка!
Кукалаша, ку-лал-ла,
Мен ұйықтаймын, шулама.
10 минутта оянам,
Сағатыңды турала.
Ку-ка-ла!
Ку-ка деген сөзім бар,
Қарақаттай көзім бар.
Ку-ка тәй-тәй басқанда,
Қолдарыңды созыңдар.
Ку-ка-ла!
Жаңа туған анадан,
Сары ауыз балапан.
Кукалаша мен болам,
Әжетайым қалаған.
Ку-ка-ла!
Менің атым – Бейбарыс,
Бере көрме тойтарыс.
Дүбірлетіп шабар ем,
Бола қалса тай жарыс.
Әйт-чу!
Әжесінің жүрегі,
Дүрс-дүрс соғып тұр енді.
Сол жүрегі мен болам,
Елдің бәрі біледі.
Дук-дук!
Басымда бар айдарым,
Көп қой кейін айтарым.
Ку-ка-ре-ку демесем,
Хайләйлім-ау, хай-ләй-лім!