Ақын өлеңдері жинағы ✍️

Бір сөзді жүз сөз қаумалап,
Әр істі бұлдап, саудалап.
Ырду да дырду, айқай- шу,
Базарым болма сен менің.
Сөз деген –серті адамның,
Әр іске алғаш қадамың,
Айтылған сөз –атқан оқ,
Не көздеп тұр садағың?
Түсініп, біліп, ойлап айт,
Айқайлама, жәйлап айт,
Сөзіңе ісің сай болсын,
Ер жігітше байлам айт!
Ашық айт адал, шыныңды,
Сөз бен іс берер құныңды,
Бірсөзді нағыз жігіт бол,
Мақтайын іштей ұлымды.