Ақын өлеңдері жинағы ✍️

Еркелеп еріп жүрдім, ағаладым,
Сүйенер асқарымдай бағаладым.
Қызықтап қылығымды қуанушы ең,
Көк теңіз сүйегендей өз шағаласын.
Қайырмасы:
Ағажаным, жанашыр, жаным ағам,
Жаурағанда сәулесің жалындаған.
Ағажаным, сағынды-ау қарындасың,
Кең әлемде қымбатты кім бар маған?!
Дәл өзіңдей асқар тау кім бар маған?!
Қайсарсың, қайраттысың, арман, алмас,
Өзіңе сенім артқан жолда қалмас.
Мәдина-Меккедегі аружандай,
Сағыныш, мерейіңе қанат жалғас.
Қайырмасы
Сұңқарсың, кәусарысың қасиеттің,
Аялар жұлдыз, Айдай өсиетін.
Айнұрым, таң Шолпаным адастырмас,
Бейбарыс, жан дәулетім бас иетін.
Қайырмасы