Ақын өлеңдері жинағы ✍️

Шуақтың көзімісің,
Өмірдің өзімісің?
Құрыштан құйылдың ба?
Тұлға боп, төзім үшін?
Қайырмасы:
Жаным-ау, сағындырғаным,
Тағдыр боп табындырғаным,
Көзіме лағыл тұнғанын
байқамадың ба?
Тереңнен шайқалғанымды,
Сағыммен айқарғанымды,
Лебіңнен жайқалғанымды
айта алмадым ба?
Қиялдан жаралғаным,
Абыз боп саналғаным.
Шақырған айдыныңа,
Аққу боп қона алмадым.
Қайырмасы
Қиянға беттегенде,
Өмір – бір. Көп пе сенде?!
Арманын іздемес-ау,
Қанатсыз, жұмыр пенде.
Қайырмасы
Өзіңе арналамын,
Толқысын шартарабың.
Қып-қысқа тіршілікте,
Әніммен жалғанамын.
Қайырмасы