20.07.2022
105
Оңтүстігім
Оңтүстігім ұлысың
Он қазақтың бірісің
Үйіп берген құдайым
Ырысың мол ырысың
Фарабидің нұрысың
Яссауидің жырысың
Түркістанмен ұлысың
Отырармен тірісің
Сансыз бапты Сайрамның,
Қасиетіне қайранмын,
Төселген жерге кілемдей,
Келбетінен айналдым!
Таза сақтап тіліңді
Сүндеттеп бар ұлыңды
Дін мұсылман қалпында
Жеттің күнге бүгінгі.
Сырдариям, Арысым,
Атам қазақ ары үшін,
Желтоқсанда бұрқылдап,
Қайнады жас намысың.
Тауларың бар бөрікті,
Тауларың бар көрікті,
Молшылықты мұншалық,
Кім қай жақтан көріпті?!