Ақын өлеңдері жинағы ✍️

Туған өлкем –жер бетінің жұмағы,
Бәйдібек би, Төле биім –шырағы.
Арыстан бап, Яссауиді тапқан жер,
Оңтүстігім –даналықтың тұрағы.
Қайырмасы:
Оңтүстігім –нұр өлкем,
Сарыағашым –көк желкен!
Шардара мен Шымкентке,
Алтын сепкен күн-көркем.
Оңтүстігім –жұмағым,
Арыс, Созақ –жыр-әнім,
Бау-бақшалы Түлкібас,
Сайрам –менің тұмарым!
Өмір басы Қазығұрттан таралған,
Ұмай-ана бауырынан нәр алған,
Ғаламшарда екінші ұстаз –Фараби –
Оңтүстікте –Отырарда жаралған.
Қайырмасы
Жетісайым, Мақтаралым –алтын тау,
Оңтүстікте салт-дәстүрім жарқындау,
Менің өлкем –Ордабасы бірлігі,
Түркістаным – Тұран туы, халқым-ау!

Қайырмасы