Ақын өлеңдері жинағы ✍️

Биіктеп шыққан тауымнан,
Жанартау... кенет жарылған.
Жүрек жоқ, өкпе езілген,
Бауырым қалған ауырған.
Быт-шытым шығып сынып ем,
Ботадай боздап, тынып ем.
Жан берер өлген сезімге,
Құдіретпісің шынымен?!
Сағынтқан бұлбұл үні ме ең?
Жыр жаздым саған түнімен,
Жаһанға симай іздеткен,
Айтшы, сен менің кімім ең?
Бағынып саған жанарым,
Күнбағыс жүзбен бағамын,
Қысады-ай кеудем жанымды,
Кешігіп кетсе хабарың.
Күншуақ нұрын жалғадың,
Гүлденді қайта жан-жағым,
тап-таза тілектеріңнен,
Сен бе едің менің жан- жарым?
Айтшы, сен менің кімім ең?