Ақын өлеңдері жинағы ✍️

Отбасының бақыты – бірлігінде,
Нар көтерер салмақты тірлігінде.
Ынтымақты шаңырақ шуақ шашар,
Күліп тұрар жұлдыздар түндігінде.
Қайырмасы:
Бақыт кілтін бұрайық,
Әркез күліп тұрайық.
Кездескенде ағайын,
Хал-жағдайды сұрайық.
Адал сөйлеп, ақ күліп,
Дұрыс іске тақ тұрып,
Мәнді өтсін әрбір сәт,
Бақыт деген - нақтылық.
Бір келеді бұл өмір, біреу ғана,
Бір-біріңе дем беріп, тіреу сана.
Тіршіліктің мәнісі - беу, жарандар,
Бір-біріңе сәттілік тілеу ғана.
Қайырмасы
Төртеу түгел болғанда төбедейсің,
Мұхиттарға жол тартқан кемедейсің.
Ата-анаңның барында алдаспансың,
Ағайынмен серіппе- жебедейсің.
Қайырмасы