20.07.2022
89
![](/uploads/shorttexts/author_image/c4ca4238a0b923820dcc509a6f75849b-2.jpg)
Шарайна
Бұлқынып, тасымайды қалай қаның,
Өрмегі торлағанда бар айланың!
Мүләйім көзқараспен азаптайды,
Досыңа, туысыңа қарайла мың:
Алдында тұрғандайсың шарайнаның!
Бұл өмір қатыгездеу, мазақтайды.
Кеудемде тұтанбасын қалай жалын?!
Сөнбеші , мықты болсаң, арай жаным.
Бір арман жан –анам боп тіл қатады,
Бір сағым бақыт әнін шырқатады.
Бұл өмір асау өзен, қалытқы-үміт,
Өзенде бір көрініп, бір батады.
Шарасыз оңашада босаңсысаң,
Бір үміт көз жасыңды құрғатады.
Кеудемде тұтанбасын қалай жалын,
Ширығып, жыр жазады солай жаным.