Ақын өлеңдері жинағы ✍️

Күйкілікке күйіп-піспе,
Күйіп-піссең біткенің,
Күліп қара күле білсең
Бір жеңіске жеткенің.
Ит үрді деп сен де үрме,
Үрсең – ит боп кеткенің,
Керуеніңді кері бұрмай
Жүрсең – аттап өткенің.
Жымысқыға жаның аурып
Жын буса да, алдырма,
Ақымақпен алысам деп
Аяғыңнан шалдырма.
Залымдыққа ыза болып
Ізгіліктен айныма,
Зұлымдыққа зұлымдық қып
Қалма мәңгі қайғыға.
Өмір – сынақ,
Сауалы көп,
Сабырмен тап жауабын,
Өзі білер бір жаратқан
Зауалы мен сауабын!