Ақын өлеңдері жинағы ✍️

Сарғайған таңның атымен,
Қарайған түннің атымен
Серт берсе де пайғамбар,
Сенбегендер болыпты.
Жүрегінің оты кем,
Мың құбылып, жайраңдар,
Сауық құрып сайрандар,
Санасыздар жолықты.
Өзіне өзі қас қылған,
Әбден дерті асқынған,
Су орнына у ішкен,
Тіліңді алмас сырқаттай,
Үзілердей жіңішке,
Әсер болмай миға анық,
Отырамын қиналып,
Дауасызға ем таппай.