Ақын өлеңдері жинағы ✍️

Көркін көріп алдандым,
Болса бетке көз көрік,
Қалың-қалың томдардың
Іші толған сөз көбік.
Мұздан соққан қорғандай,
Құмнан құйған мүсіндей,
Сыртын бояп қойғандай,
Қалам сырын түсінбей.
Көкейімнен бір кетпей
Жүрген ойлар жазылмай
Қарға салған суреттей,
Суға жазған жазудай.
Тілмен ою ойсаң да,
Көзден таса көрме көп.
Тасқа қашап қойсаң да,
Таңдай қағар пенде жоқ.