Ақын өлеңдері жинағы ✍️

Күн суықта жаурап-тонсам,
Жылыта көр,
О, Жасаған!
Сен біреуге қорған болсаң,
Қорған болар Алла саған!
Кедейлікті уайым қылсам,
Айықтыршы,
О, Жасаған!
Сен біреуге қайыр қылсаң,
Қайыр қылар Алла саған!
Ізгілердің соңына ерсем,
Қолдай көрші,
О, Жасаған!
Сен біреуге көмек берсең,
Жәрдем етер Алла саған!
Баста көрген жоқшылықты
Ұмыттыршы,
О, Жасаған!
Кісіге еткен жақсылықты
Қайтарады Алла саған!