Ақын өлеңдері жинағы ✍️

Алты адалды, алты арамды
Бөліп қойса мүшелге,
Жақсылық пен жамандықтың
Таласына түсем бе?!
Он екі айда жылдың өзін
Бөлсе жылы, салқынға,
Жетіп шыдам, қылсаң төзім,
Тұрмас дүния қалпында.
Тәулікті де он екіден
Қойған болса тең бөліп,
Таңда келген ой бекіген
Кетпес кешке сенделіп.
Суреттеуге тілің жетпес
Таусылмаса сөз кені,
Бір мысқал да артық кетпес,
Жаратқанның безбені.