Ақын өлеңдері жинағы ✍️

Шапанды тоқым қылған бар,
Қобызды отын қылған бар,
Дұғалар жазған дәптерді
Пәршалап, қоқым қылған бар,
Ойлар көп мені мазалар.
Қазақтың білген шатағын,
Жүрегін езген қапа-мұң,
Анықты танып Алладан,
Далаға безген Шәкәрім
Іштегі дертті тазалар.
Аяққа Құран басқанға,
Тәспихты тастай шашқанға,
Сәлдені шұлғау қылғанға,
Шығарсақ үкім дұшпанға,
Білмеймін, қандай жаза бар?