Ақын өлеңдері жинағы ✍️

Тауқіметін сапардың
Тартпаса да жолда көп,
Елден жиып қаржыны,
Қажы болған молда көп.
Көлгірсіген кей жандар
Бүркемелеп тірлігін,
Турист болып барғандар
Қажы атанып жүр бүгін.
Түсіп ақ тер, көк терге,
Қажып жеткен қажылық
Қалар амал дәптерге
Сауап болып жазылып.
Болса-дағы кім қарыз,
Бұдан шығар бір түйін:
Қажылық та – бір парыз,
Қажы болу тым қиын.