Ақын өлеңдері жинағы ✍️

Қыңырайып – нығмет көрсе,
Бағы тайып – бейнет келсе,
Жарылқаған Хақтың өзін
Есіне алар азап берсе
Бұл пендеге не қыл дейсің?!
Асып-тасып бақ қонғанда,
Болып-толып шаттанғанда,
Жалбарынар Жаратқанға
Пәле-жала тап болғанда
Бұл пендеге не қыл дейсің?!
Ақша жинап, босқа тұрып,
Мансапты ойлап бас қатырып,
Есірке деп елеңдейтін
Кетсе көзі жасқа тұнып,
Бұл пендеге не қыл дейсің?!