Ақын өлеңдері жинағы ✍️

Орнында тұрса егер ай, күн,
Жұлдыздар көрінсе айқын,
Болмаса апаттар жойқын,
Құлшылық қылсаң да мың рет,
Мақтауға лайықты Құдірет!
Ағаштың өзгертсе түрін,
Ағызса жемістен шырын,
Қалдырса сарайдың күлін,
Құлшылық қылсаң да мың рет,
Мақтауға лайықты Құдірет.
Адамның аласын көрсе,
Ғалымның бағасын білсе,
Залымның жазасын берсе,
Құлшылық қылсаң да мың рет,
Мақтауға лайықты Құдірет.
Болса да қандай бір сынақ,
Азаптың бәріне шыдап,
Жүре алсаң еліңе ұнап,
Құлшылық қылсаң да мың рет,
Мақтауға лайықты Құдірет.