Ақын өлеңдері жинағы ✍️

Қаншама зор болғанымен көлемі,
Заңғар тау да күні бітсе өледі.
Білімсіздің күні қараң ілімсіз,
Күнде үстіне қара албасты төнеді.
Пәле табар іздеп жүрген пәлені,
Сырқатқа ем – сау кісінің сәлемі.
Ары таза, сенімі нық адамдар
Иланады болмаса да дәлелі.
Кейбіреулер сый күтеді кәделі,
Кейбіреулер хор қызынан дәмелі.
Қияметтен үміт еткен жан болса,
Көкірегін тазаласын әуелі.