Ақын өлеңдері жинағы ✍️

Алтын көрсе, жолдан тайса періште,
Өрге тартқан тасың түссе еңіске,
Мезгілің кеш, еткен еңбек еш болып,
Өмір неге жол береді теріске?
Қиналмаймын жауыздарды жай ұрып,
Надандардың жүрген жері ойылып,
Өсекшінің өңешіне от түсіп,
Жағымпаздың жағы кетсе айырылып.
Жол үстінде тұрғаннан соң шошайып,
Пәлекеттен қашқан екен машайық.
Бет пердесін сылып тастап арамның,
Жәдігөйді жақтан ұрсам, несі айып?!