Ақын өлеңдері жинағы ✍️

Бар тілекті айтсақ біздер тілменен,
Ат қоямыз бұйымға да білмеген.
Құлын-тайлар кісінесе шұрқырап,
Сақаулар да ұғысады ымменен.
Бар тілекті айтсақ біздер сөзбенен,
Жетіп жүрміз нысанаға көздеген.
Адамдар бар – ықыласын досына
Сөйлемей-ақ, көрсететін көзбенен.
Біреу зорды басып тұрса мыспенен,
Тіл ашпай ма еріндерді тістеген?
Адамдар бар – жақсылығын кісіге,
Сөйлемей-ақ, көрсететін іспенен