Ақын өлеңдері жинағы ✍️

«Құлағына шалынсын, – деп, – Алланың»,–
Кейде сөзін сөйлейміз біз жалғанның.
Періштенің құлағына естілсе,
Алдағы істің Алла білер қалғанын.
«Көзі түзу болсын дейміз Алланың!»
Бұл сөздің де сезінбейміз салмағын.
Түзу іске Алла тура қарайды,
Түсіндіріп жатпасақ та ар жағын.
Ескі айға да есірке деп жатамыз,
Жаңа айға да жарылқа деп жатамыз.
Есіркейтін, жарылқайтын бір Алла,
Бүгінгі күн түзететін қатамыз.
Анық-қанық айтылған жай Құранда:
Адассаң да қараңғыда, тұманда,
Тазалайтын,
Өсіретін бір Алла!
Жазалайтын,
Кешіретін бір Алла!