14.07.2022
92
![](/uploads/shorttexts/author_image/screenshot-20200424-144226.png)
Жапырақтар тербелгенде самалдан...
Жапырақтар тербелгенде самалдан,
Бұтақтарым тамырлардан нәр алған.
Өсімдіктей жауын суын ішетін
Мен адаммын топырақтан жаралған.
Сен шайтансың өзегінде тұрған от,
Тілдің өзі күйдіретін қызыл шоқ.
Ағыл-тегіл суға, бірақ, жолықсаң,
Өшпейтұғын, сөнбейтұғын шамаң жоқ.
Көп қорқытып, үрейді алып келді дер,
От пен судың мықтылығын ел білер.
Ақырзаман болғанда да топан су
Жердің жүзін басқан өртті сөндірер.