Ақын өлеңдері жинағы ✍️

Борышын өтеп жүрген сапардағы,
Біз де бір жауынгерміз қатардағы,
Қолбасшы қолындағы жіптің ұшы
Белгісіз қай араға апармағы.
Жолама іздеп пана сорға батпақ,
Тығылма жар түбінде қорғалақтап.
Оң-солға, алды-артыңа бірдей қара,
Қарусыз жауға шаппа далбалақтап.
Болады жол бойында талай майдан,
Алдымен оққа ұшады сорайған жан.
Қыратқа шықпақ болсаң терең сайдан,
Ұмытпа келгеніңді қалай, қайдан?!