Ақын өлеңдері жинағы ✍️

Шеберлерден көреді ағаш қорлық,
ЖиҺаз болып түскенше жарасымға,
Ұсталардан көреді темір зорлық,
Балғалар мен төстердің арасында.
Тастар қорлық көреді қалаушыдан,
Ғимаратты әдемі қалап бітпей,
Сандар зорлық көреді санаушыдан,
Кірісі мен шығысын санап бітпей.
Қазан қорлық көреді жанған оттан,
Ішіндегі тамағы әбден піспей,
Адам зорлық көреді жалған соттан,
Әділдіктің тізгіні қолға түспей.