Ақын өлеңдері жинағы ✍️

Белгілер көп шікірейген,
Кейбіреуі кекірейген.
Нүктеге көп алаңдайды
Шыққан кезде үтір үйден.
Орнын тапса тыныс белгі,
Онда жарты ырыс қонды.
Нүкте келіп сөйлемімді
Тоқтатқаны дұрыс болды.
Сұрау белгі бүкірейген,
Леп белгі тікірейген,
Қос нүкте мен сызықша да
Тәуба тоны – шүкір киген.
Тағы бір ой келді деймін,
Көңілімді бөлді деймін.
Тыныс алып, тіл қатпадым...
Оны қалай белгілеймін?